الدولفين .. إختيار الحياة !

كنت بتفرج من شوية علي فيلم
beneath the blue !
الفيلم بيتكلم عن موت الدلافين علي شاطيء البهاما الأمريكي بسبب تجارب كانت بتقوم بيها البحرية الأمريكية ، من خلال قصة رومانسية 

الفيلم هادي جدا ... أجمل ما فيه الدولفين اللي يعتبر البطل الحقيقي للفيلم .

الدولفين حيوان بحري من الثديات المائية ، له قرابه بالحيتان لكن هو أجمل منها وألطف وصديق للإنسان أكتر منها .

وهو بيستخدم لغة خاصة بيه بتتكون من 32 صوت ، ولكل دولفين صوت مميز ، وبيقدر يسمع الموجات الصوتية علي بعد 15 ميل ، وبيقدر يعرف نوع وحجم أي شيء في عمق البحر من خلال سماع الذبذبات الصوتية .

  

كمان هو كائن إجتماعي جدا ، مع أصحابه الدلافين لو حس بالخطر بيطلق نداء استغاثة وبيتجمعوا بسرعة عشان ينقدوة ، وهو برضو أقرب الحيوانات البحرية للإنسان ، بيلعب وينط ويتعلم حركات بهلوانية وبيشارك في عروض في السيرك لإسعاد الجمهور  . 

وطلع كمان بيعالج من الإكتئاب. وفقا لتجارب اتعملت علي مجموعة مرضي مصابين بالاكتئاب . أظهرت النتائج إن المرضي اللي كانوا بيسبحوا مع الدلافين صحتهم اتحسنت بشكل كبير جدا 

   من أغرب مواصفات الدولفين إن التنفس عنده إرادي مش زي الإنسان لأنه بيقعد وقت طويل جدا في الأعماق . عشان كده لما الدلافين بتكون نايمة ممكن نشوفها عايمة علي وش المية مع عين مفتوحة وزعنفة بره المية عشان تقدر تتنفس .   

من الأنواع النادرة جدا .. الدولفين الأبيض   

فكرة التنفس الإرادي عند الدولفين بتوحي بإختياره للحياة بنفسه ، ومش أي حياة ، لعب وتنطيط وحب للآخر حتي لو مش من نوعه
 أنا فعلا عايزة أربي دولفين :)