البوست إهداء لصديقتي عاشقة القطط,المدونه باسنت خطاب
زمااااااان..وأنا صغيره..كنت بحب القطط.زي أي طفل ماشي ف الشارع بيشوف كائن حي بيأكله
ماما كانت دايماً بتقولي متجيش جنب القطط عشان بتوقع الشعر,ومتسرحيش القطه بالمشط بتاعك عشان هتبقي قرعه :))
بس أنا مكنتش بهتم..لأني كنت بحب القطط من بعيد لبعيد
لسه فاكره بيتنا التاني في السعوديه..كان في مسقط وفيه شويه كراتين ودواليب وحاجات قديمه
وكانت العروسه بتاعتي بسيبها كل شويه ف حته..قعدت أدور عليها ووطيت ببص تحت الكراتين
لقيت قطه كبيرة..حامل
خبيت الموضوع علي ماما عشان أكيد كانت هتمشيها من البيت
وبقيت كل شويه أجيب لها أكل وميه وأقعد أتفرج عليها وأنا نايمه علي الأرض
لحد ما ماما قفشتني
قولتلها يا ماما حرام وحامل بقي والحركات دي
قالتلي لو ولدت في البيت مش هتخرج منه أبدا هي وأولادها..
وفضلنا نتكلم..لحد ما إتفقنا إننا نخليها..بس أنا مش هآجي جنبها
وولدت القطه...وجابت شويه قطط صغنين عسللللللللل
وبعد كده لما بقت كويسه شالت قططها وخرجت ..ومرجعتش تاني..:(
لما كبرت شويه..بدأت أسمع كل الحاجات اللي بتتقال عن القطط
القطه السودا دي شيطان
والقطه السودا بالليل بتتحول لجن
والقطه السودا بتجيب الفقر
والقطط بتاكل وتنكر
والقطط بتاكل ولادها..
أم القطه السوداء بقي..:@
بعد كده كانت علاقتي بيهم عاديه..لحد ما وغد ما..قالي إن قطته قليله الأدب..وإنه بيتحرش بيها وحاجات مقرفه كده
بعدها كرهت القطط..وكرهته لأنه طلع زي القطط..بياكل وينكر..
وبدأت أحس إن كل بني آدم بيتعلق بحيوان..بياخد من طباعه
بس اللي كان مجنني..إن باسنت صاحبتي بتحب القطط..وبتاكل آه بس مش بتنكر..:D
بعد كده عرفت مروة رخا..هي كمان بتحب القطط..وبتاكل برضو ومش بتنكر:D
وبعدين إسلام أبو بكر..عنده قطه برضو..وبياكل ومش بينكر
العيب مش ف القطط يعني ..
المشكله إن ملهاش فكره ثابته
شويه بتخربش..شويه كائن رقيق..
شويه بتاكل وتنكر..شويه بتحب صاحبها
بس أنا فهمت القطط أخيرا
هي مش بتاكل وتنكر..هي بس حازمه شويه
معندهاش تعلّق بالأماكن والأشخاص
ودي صفه علي حسب طريقه إستخدامها
المهم..من إسبوع كده
كان أخويا مستضيف قطه ف بيتنا بتاعه واحد صاحبه
قعدت في البيت يومين..قد إيه الكائن ده ناعم ورقيق
ولو إني مشلتهاش أو إتعاملت معاها..بس كنت ببص عليها من بعيد
إحساس حلو باللعبه الصاحيه..اللعبه الطبيعيه..:))
وكنت بحط لها أكل وأخاف عليها لحسن تتزنق جنب كرسي أو حد يخبطها برجله
ساعتها بس صدقت الجمله بتاعه
لو عايز تعرف إذا كنت بتتحمل مسئوليه ولا لأ..ربي حيوان أليف في بيتك..:)
زمااااااان..وأنا صغيره..كنت بحب القطط.زي أي طفل ماشي ف الشارع بيشوف كائن حي بيأكله
ماما كانت دايماً بتقولي متجيش جنب القطط عشان بتوقع الشعر,ومتسرحيش القطه بالمشط بتاعك عشان هتبقي قرعه :))
بس أنا مكنتش بهتم..لأني كنت بحب القطط من بعيد لبعيد
لسه فاكره بيتنا التاني في السعوديه..كان في مسقط وفيه شويه كراتين ودواليب وحاجات قديمه
وكانت العروسه بتاعتي بسيبها كل شويه ف حته..قعدت أدور عليها ووطيت ببص تحت الكراتين
لقيت قطه كبيرة..حامل
خبيت الموضوع علي ماما عشان أكيد كانت هتمشيها من البيت
وبقيت كل شويه أجيب لها أكل وميه وأقعد أتفرج عليها وأنا نايمه علي الأرض
لحد ما ماما قفشتني
قولتلها يا ماما حرام وحامل بقي والحركات دي
قالتلي لو ولدت في البيت مش هتخرج منه أبدا هي وأولادها..
وفضلنا نتكلم..لحد ما إتفقنا إننا نخليها..بس أنا مش هآجي جنبها
وولدت القطه...وجابت شويه قطط صغنين عسللللللللل
وبعد كده لما بقت كويسه شالت قططها وخرجت ..ومرجعتش تاني..:(
لما كبرت شويه..بدأت أسمع كل الحاجات اللي بتتقال عن القطط
القطه السودا دي شيطان
والقطه السودا بالليل بتتحول لجن
والقطه السودا بتجيب الفقر
والقطط بتاكل وتنكر
والقطط بتاكل ولادها..
أم القطه السوداء بقي..:@
بعد كده كانت علاقتي بيهم عاديه..لحد ما وغد ما..قالي إن قطته قليله الأدب..وإنه بيتحرش بيها وحاجات مقرفه كده
بعدها كرهت القطط..وكرهته لأنه طلع زي القطط..بياكل وينكر..
وبدأت أحس إن كل بني آدم بيتعلق بحيوان..بياخد من طباعه
بس اللي كان مجنني..إن باسنت صاحبتي بتحب القطط..وبتاكل آه بس مش بتنكر..:D
بعد كده عرفت مروة رخا..هي كمان بتحب القطط..وبتاكل برضو ومش بتنكر:D
وبعدين إسلام أبو بكر..عنده قطه برضو..وبياكل ومش بينكر
العيب مش ف القطط يعني ..
المشكله إن ملهاش فكره ثابته
شويه بتخربش..شويه كائن رقيق..
شويه بتاكل وتنكر..شويه بتحب صاحبها
بس أنا فهمت القطط أخيرا
هي مش بتاكل وتنكر..هي بس حازمه شويه
معندهاش تعلّق بالأماكن والأشخاص
ودي صفه علي حسب طريقه إستخدامها
المهم..من إسبوع كده
كان أخويا مستضيف قطه ف بيتنا بتاعه واحد صاحبه
قعدت في البيت يومين..قد إيه الكائن ده ناعم ورقيق
ولو إني مشلتهاش أو إتعاملت معاها..بس كنت ببص عليها من بعيد
إحساس حلو باللعبه الصاحيه..اللعبه الطبيعيه..:))
وكنت بحط لها أكل وأخاف عليها لحسن تتزنق جنب كرسي أو حد يخبطها برجله
ساعتها بس صدقت الجمله بتاعه
لو عايز تعرف إذا كنت بتتحمل مسئوليه ولا لأ..ربي حيوان أليف في بيتك..:)
ليست هناك تعليقات:
إرسال تعليق